BILATU

domingo, 14 de agosto de 2016

AMESGAIZTOAK



Udan ere zigortzen naute, gupidagabeki. Ez didate atsedenik uzten eta loaren bitarteko deskonexiorako nire eskubidea hanka artetik pasatzen dute: amesgaiztoei buruz ari naiz. Sorburu eta mota desberdinetakoak  izaten badira ere, eskola denboretara naramatenak ditut bereziki bisitari.

Berdin die adinak: lehen hizkiak artean ikasten ari nintzenekoa izan daiteke atean jotzen duena, edota unibertsitate-ibilaldia bukatzear nengoenekoa. Nolanahi ere, beti, oso gaizki prestatuta agertzen naiz azken azterketara eta arrisku bizian ageri zait ikasketetan aurrera egitea. 

Eta orduan kristoren ahalegina egiten dut, lo artegagarritik iratzartzeko eta nire buruari esaten diot, zorionez jubilatuta nagoela, duela hirurogei urte inguru gainditu nuela hainbeste kezkatzen ninduen haurtzaroko zatiketen azterketa hura eta karrerako Estatistika, Ikerketa Operatiboa, Bretton Woods, Balantzeen Teoria, Fortran, Cobol eta gainerako ikasgai aridoak atzean geratu zirela, per in secula seculorum. Zoritxarrez.

 

2 comentarios:

  1. Neri ere askotan etortzen zaizkit honelako pasadizoak lo nagoen bitartean,

    ResponderEliminar